Maneho financiero actual di gobierno NO TIN espacio pa HOFA!

Buscando un solo argumento, of sikiera un solo hustificacion cu introduccion di e Rijkswet HOFA lo ta algo logico y hustificabel, a bira algo mescos cu busca un feneta den fondo di lama. Ora cu busca e nificacion di HOFA riba cualkier sistema Hulandes, por haya lo siguiente: “Met de Rijkswet Houdbare Overheidsfinanciën Aruba wordt een wettelijk kader gecreëerd ten aanzien van de overheidsfinanciën van Aruba. Een dergelijk kader op het niveau van rijkswet draagt bij aan de ontwikkeling van houdbare overheidsfinanciën en het op orde brengen van het financieel beheer, en draagt bij aan effectief toezicht hierop. De regeringen van Aruba en Nederland zijn gezamenlijk tot de conclusie gekomen dat een consensusrijkswet hiervoor het aangewezen instrument is”. Pues e splicacion aki ta hopi duidelijk pa tur hende y aki ta bon pa pone enfasis riba dos aspecto di e frasenan cu ta splica e ley di HOFA aki, esta caminda ta mustra entre otro cu: “een dergelijk kader op het niveau van rijkswet draagt bij aan de ontwikkeling van houdbare overheidsfinanciën en het op orde brengen van het financieel beheer.” Ta na su luga pa splica henter e asunto aki tambe den nos lenga crioyo, esta Papiamento y cu ta bisa lo siguiente: “E Rijkswet Duurzame Overheidsfinanciën Aruba ta crea un cuadro legal relaciona cu e finansa publico di Aruba. Un macro asina ta na nivel di ley di Reino ta yuda desaroya finansas publico sostenibel y regla e maneho financiero y ta contribui na un supervision mas efectivo di esaki. Gobiernonan di Aruba y Hulanda a yega na e conclusion hunto cu un ley di consenso ta e instrumento apropia pa esaki.” Awor henter e contexto di e pensamento aki, tabata debi na cu e gobierno di pasado, no tabata cumpli cu leynan di contabilidad, no tabata cumpli cu aspectonan legal cu e proceso aki semper e exigi y for di eynan a cuminsa traha hunto pa percura pa yega na un maneho financiero pa pais Aruba, cu ta cumpli cu reglanan di un maneho responsabel, un maneho cu ta cumpli cu ley di contabilidad y tur otro rekisito cu a ser sugeri for di aña 2015 te cu awor. For di 2015, e paisnan a bay di acuerdo pa encarga e comision di supervision CAft pa supervisa e maneho financiero di Gobierno di Aruba y e comision aki tin cu conseha Parlamento di Aruba y Conseho di Minister di Reino, riba e maneho financiero di gobierno di Aruba. Hunto cu ehecucion di e Landspakketten tambe den acuerdo cu Hulanda, Gobierno di Aruba no solamente a cumpli cu exigencianan fuerte ora cu el a presenta un presupuesto c’un surplus di 1% cual a ser reconoci pa CAft pero caminda tambe tabata otro aspectonan di vital importancia manera entre otro cumplimento di e ley di contabilidad, di entrega e presupuesto nacional na e fecha di prome di september y tambe cumpli cu entrega di cuentanan anual cu a haya un retraso preocupante sin duda. Ya caba bou maneho di Gabinete Wever-Croes II y despues for di año 2024 bou maneho di Gabinete Mike Eman III, e proceso di busca perfeccionismo den e proceso aki, a continua caminda gobierno a impresiona Hulanda ora cu a sigui presenta presupuestonan cu surplus impresionante pero den otro aspecto manera pago di e debe nacional na Hulanda y otro aspectonan financiero, caminda Aruba a cumpli cabalmente cu su obligacionnan financiero. E ora ta papia cu Gobierno di Aruba a cumpli, tin cu mustra den direccion di prensa Hulandes cu a publica entre otro cu e logro di gobierno di isla chikito aki, lo ta envidia di hopi pais rond mundo, incluso gobierno di Hulanda, ora cu Minister di Finansas y Economia, Geoffrey Wever , a presenta un concepto di Presupuesto 2026, cu ta presenta un “financiergingsoverschot di 6%” un logro cu e propio Gobierno Hulandes lo envidia pa logra algun asina. Gobierno Hulandes y ningun pero ningun mandatario di e pais aki, a yega di duna un argumento valido pakico tin cu forsa Aruba acepta e Rijkswet cu ta ainda mas streng cu loke Corsou y Sint Maarten tin, ya cu realmente no tin hustificacion di ningun mandatario Hulandes te cu e momento aki. Pa mustra riba cierto comportacion cu ta crea duda den no solamente credibilidad di mandatarionan Hulandes caminda nan no tin base pa forsa Aruba acepta e ley aki ta entro otro: · Aruba boekt rentevoordeel door sneller afbouwen schuld · Schuldquote Aruba daalt sneller · Overheidsschuld Aruba daalt sterk · Pluim voor Aruba van CAft · Premier Jetten: Aruba bruist van energie · Eric van den Berg: Geen landsverordening, geen goedkope leningen voor Aruba! Un mentalidad cuestionabel, cu a confirma cu Hulanda no kier laga los di e isla aki pero pa un of otro motibo kier tin un ‘vinger in de pap.’ Dado momento henter e asunto aki lo keda defini y dicidi pa Parlamento di Aruba ya cu e asunto aki no ta den man di Rijksministerraad pa tuma e decision definitivo! The post Maneho financiero actual di gobierno NO TIN espacio pa HOFA! appeared first on 24ora - Prome Den Noticia .