Ukraynanın “Shrike 10” FPV PUA-sı Rusiyanın “Mi-28” helikopterini vurub
Ukraynanın “SkyFall” şirkətinin istehsal etdiyi “Shrike 10” FPV Pilotsuz Uçuş Aparatı (PUA) ilə Rusiyaya məxsus “Mi-28”N döyüş helikopteri vurulub. https://ordu.az/photos/2026/07/Ekran-1784139157.jpg
Ordu.az xəbər verir ki, bu barədə istehsalçı şirkət “Militarnyi” nəşrinə məlumat verib. Əməliyyat Rusiyanın Belqorod vilayətində, Vyazovoye yaşayış məntəqəsi yaxınlığında Ukrayna Silahlı Qüvvələrinin Pilotsuz Sistemlər Qüvvələrinin 427-ci “Raroq” briqadası tərəfindən həyata keçirilib. Məlumata görə, 2025-ci il sentyabrın 29-da Ukraynanın 59-cu Əlahiddə Hücum Briqadasının 1-ci İnsansız Sistemlər Taboru da eyni model PUA ilə təxminən 10 milyon dollar dəyərində olan Mi-8 helikopterini vurmuşdu. Bu, tarixdə FPV PUA vasitəsilə havada helikopterin məhv edilməsinin ilk təsdiqlənmiş halı hesab olunurdu. “Oryx” monitorinq layihəsinin məlumatına görə, Rusiyanın Ukraynaya qarşı genişmiqyaslı işğalının başlanmasından bəri ən azı 14 “Mi-28” helikopteri məhv edilib, daha altısı isə zədələnib. “SkyFall” Ukraynada fəaliyyət göstərən müdafiə texnologiyaları şirkətidir. Şirkət geniş tədqiqat və inkişaf mərkəzi, genişmiqyaslı istehsal xətləri və təlimatçı pilotlarla texniki mütəxəssislərin hazırlanması üçün sertifikatlaşdırılmış “SkyFall Academy”ni özündə birləşdirir. Şirkət “Shrike 10” FPV PUA-sı, 2023-cü ildən Ukrayna ordusunun istifadə etdiyi və 2025-ci ildə cəbhədə ən effektiv zərbə vasitəsinə çevrilən “Vampire” PUA-sı, həmçinin 2026-cı ilin iyun ayında süni zəka modulu ilə təchiz edilmiş yeni versiyası təqdim olunan P1-SUN önləyici PUA-sı ilə tanınır. Danimarkanın müdafiə naziri Troels Lund Poulsen hazırda “SkyFall” şirkətinin istehsal müəssisələrinin Danimarkada açılması imkanının nəzərdən keçirildiyini bildirib. Şirkət həmçinin hava hücumundan müdafiə imkanlarının gücləndirilməsi məqsədilə Airbus ilə strateji tərəfdaşlığa başlayıb. ABŞ-nin mərhum senatoru Lindsi Qraham isə iyulun 11-də şirkətin istehsal müəssisələrinə səfərindən sonra Ukraynanın ABŞ-yə PUA sahəsində dəstək verməyə hazır olduğunu bildirib. Bundan əlavə, “SkyFall” Avropa Komissiyasının Ukraine Facility proqramının II sütunu çərçivəsində Polşanın Milli İnkişaf Bankının (BGK) dəstəyi ilə müdafiə texnologiyalarının maliyyələşdirilməsi üçün Avropa İttifaqı vəsaitlərini cəlb edəcək. Şirkətin məlumatına görə, Ukrayna hərbçiləri “SkyFall” PUA-ları vasitəsilə artıq düşmənin on milyardlarla dollar dəyərində canlı qüvvəsini və hərbi texnikasını məhv ediblər. Sevinc Əliyeva Ordu.az
This is a summary. Read the full article at the original source.
Read full article at ordu_az